Infopal në lidhje telefonike me Vittorio Arrigoni, nga Gaza: janë duke bërë një masakër.
Shkruar më 27.12.2008 në News
Infopal. Ora 13, koha e Gazës. Sapo kemi folur në telefon me Vittorio Arrigioni, nga International Solidarity Mov., që ka rihyrë në Gaza me udhëtimin e fundit të Dignity, imbarkimi i Free Gaza.
Vittorio, si është situata momentale në Gaza?
"F16 izraelite po bombardojnë që nga ora 11:30 e mëngjesit. Është një masakër e vërtetë: janë 200 viktima tashmë. I kanë rrëzuar dy pallate civilësh, afër shtëpisë time, në zonën e portit. Janë duke mbytur policë dhe qytetarë".
Këtu lajmet tona dhe web faqet tregojnë se janë duke bombarduar "baza teroriste"...
"Rrenë! Çfarë turpi! Janë duke mbytur njerëz pa faj, policë, këto janë teroristat! Kurrë nuk kam parë më tepër violencë në Gazë sesa tash... Kanë sulmuar me aeroplanë e me marina ushtarake”.
A i keni pritur këto sulme?
“Të them të drejtën, jo. Dje, Izraeli kishte hapur rrugët duke lëshuar disa furnizime elementare… E ka bërë me qëllim, kështu që sot ka mundur t’a zë popullsinë papritmas, fëmijët që dilnin nga shkolla, policë që ishin duke ushtruar për funksione të sigurisë së mbrendshme…”
Përderisa Vittorio fliste, ndëgjohej zëri i bombeve që binin mbi Gaza…
“Jam duke shkuar në spital Esh-Shifa, për të parë nëse kanë nevojë për gjak…”
