Këtë vit drejt Haxhit do të mund të nisen vetëm 1 600 besimtarë, ndërsa organizimi i këtij udhëtimi është ekskluzivitet i BFI-së.
Kështu paralajmërojnë nga bashkësia fetare islame e cila e arsyeton këtë vendim, me ligjin e miratuar për vizita në vendet e shenjta. Përfaqësues të BFI-së thonë se organizimet e tjera janë të palejueshme.
“Kuota tjera për hanxhinj, për myslimanët e Maqedonisë që dëshirojnë të shkojnë në Haxh nuk ka. Kush mendon dhe pretendon që të shkoj në haxh jashtë kësaj kuote nuk ka mundësi, kështu është rregulluar me marrëveshjen jo vetëm midis Bashkësisë Islame dhe Ministrisë të Haxhit të Arabisë Saudite, por ka edhe një marrëveshje ndërshtetërore dy palëshe midis Maqedonisë dhe Arabisë, se jashtë kësaj kuote nuk mund të shkon askush në haxh”, deklaroi sot Isuf Zimeri – përfaqësues të BFI – së.
Nga BFI kërkojnë ndërhyrjen edhe të institucioneve shtetërore pjesëmarrëse në organizimin e Haxhit, si Ministria e Brendshme, Shëndetësisë, Ekonomisë dhe Transportit, që mos të lejojnë organizime të tjera në kundërshtim me ligjin. Udhëtimi do të organizohet përmes linjës ajrore dhe me autobusë. Nisja me autobusë do të bëhet nga 17 nëntori. BFI ka autorizuar disa agjenci private duke mos zbuluar emrat në tërësi të tyre. Thonë se ato kanë përmbushur kriteret teknike.
“Ka edhe bashkëpunim tradicional me disa agjenci; ka katër ndoshta 5 agjenci me të vërtetë nuk e kam listën por është agjencia Ardi, Meka Medina dhe disa agjenci tjera”, tha Jakup Selimovski - përfaqësues të BFI – së.
Nga ana tjetër, agjencitë turistike të cilat merren me organizmin e Haxhit hedhin poshtë pretendimet e tilla duke siguruar besimtarët islam se në mënyrë të rregullt dhe pa probleme janë duke organizuar udhëtimin drejt vendeve të shenjta të Arabisë Saudite.
